BIOGRAFIA SAUDOSO GIL FERNANDES / HEISO

Saudoso Gil Fernandes, moris iha Chauluturo iha loron 27 fulan Abril tinan 1952, oan hussi aman Saudoso Fernando Sanches (Liurai Fuiloro) no inan   Angelina Dias Quintas(matebian). Gil Fernandes hahu nia escola iha Colégio D. Bosco Fuiloro no remata ensino primário iha tinan 1966. Hatutan nia escola iha Dili, Liceu Dr. Francisco Machado no consegue hasai treceiro ano.Iha tinan l970. Saudozo Gil Fernandes ema ida nebe ho karakter  ladun koalia, timidu no korajoso. 

A. TEMPU SERVISU IHA FASE PORTUGUES

Saudozo Gil fernandes,antes  tama vida militar, hanorin iha Suco Mehara-Tutuala nudar professor. Tama military obrigatorio nudar tropa português iha tinan  1973 no kolokado iha Companhia Engenaria ho posto 1o. Cabo Escriturário.  Iha tinan 1974 Saudoso Gil Fernandes konkore ba posto Sargento Milisiano no aprovado ba posto Segundo Furriel. No wain hira Situasaun politika iha rai laran hahu manas, tropa portugues barak fila, Saudoso Gil Fernandes hetan konfiansa ba cargo nudar Segundo Comamdante ba Companhia Engenaria 

. B. TEMPU RESISTENCIA

Saudoso Gil Fernandes nia Kontribuisaun Ba Libertasaun da Patria. Gil Fernandes  ho maluk balun hanesan 1o.Sargentu Inacio, 2o.Furriel Joao Branco,  2o. Furriel Adao Cristovao, 2o. Furriel Frederico,  Hamutuk ho  Aspirante Oficial Rogerio Lobato no selu-seluk hahu halao encontro klandestina hodi deskute oinsa atu apodera poder military iha Timor, no kontra makas, kolonialismo, kapitalismo no feudalism iha rai laran.Gil Fernandes iha dia 19 de Agosto de 1975, hanesan Comandante Compania Engenaria hamutuk ho comandante compania seluk hetan fiar hussi lideransa Fretilin hodi lidera kontra golpe  iha 20 de Agosto 1975, no iha loron  hat nia laran cidade Dili hetan fila fali kontrola hussi Forsa FALINTIL. I loron ne’e to’o ohin loron konsagra iha historia nudar loron ba FALINTIL. 


Iha fronteira hahu halao provokasaun no infiltrasaun husi tropa Indoneisa, Atu asegura seguransa iha fronteira Saudoso Gil Fernandes hetan fila fali mandato atu komanda tropa nebe forma hussi Segundalinha no Primeira Linha ba fronteira. Iha fronteira Saudoso Gil Fernandes, oferese registensia makas hasoru forsa inimigo durante fulan balun nia laran.

1.      Fase baze de apoio


Saudoso Gil Fernandes durante luta armada ba registencia, iha influensia makas,jovens barak hamutuk ho nia inklunia familia /primos balun hanesan Saudoso Clementino, atual Kolonel Aluk, Renan Selak no selu-seluk nebe luta hamutuk, ho  lian ida deit /moto “lutamos e lutaremos ate a última gota de sangue”.Hamutuk hatudu sira nia Existencia no Presistencia ba Ukun Rasik An, liu hussi processo  luta ba Libertasaun da Patria. Meski dalan  ho destino maromak hatudu ida idak nian. Iha Lospalos, durante iha base de apoio iha tinan 1977 simo kanar foun nudar Comandante Forsa de Intervensaun (FI). Iha principios de 1978 nomeado hanesan delegado komisariado ( DK ) Iha fulan Outubro saudozo Gil Fernandes hetan fila fali fiar husi komando da luta nudar kolaborador  shefe do estado maior das falintil.

2. Fase Guerrilha

Depois baze de apoio rahun , iha 1979 forsas armada tomak halo konsentrasaun iha area Ko’o leu entre Lore  ho Iliomar  hodi re organiza fila fali Forsas Armadas, saudozo Gil fernandes hetan tan nomeasaun ida nudar comandante Compania destakamente regiao leste por acumulasaun ho Colaborador do estado maior Nudar Comandante; Saudozo Gil Fernandes sempre enkoraza nia soldadu sira katak; funu ne’e defisil, naruk maibe ita  konta ho ita nia forsa rasik ho lian ida deit lutamos e lutaremos ate a última gota de sangue”Saudoso  Gil Fernandes, oferece nia an no mate iha area Puilipalo iha loron 20 fulan Outubro tinan 1980, tamba sofre embuskada hussi forsa Indonesia no tiru malu durante loron tolu nia laran .Horas ne’e Saudoso Gil Fernandes laiha iha ita hotu nia  let, maibe nia memoria kona ba luta iha tempo registensia ami entrega fila hikas ba ita hotu nia liman atu bele asegura no fortalese Independensia ne’e ba ema hotu nia diak.